-- Advertisements --
TACLOBAN CITY–Gintawagan ni Colai Go, Information Officer han TFCCC ngan Chairman han Brgy. 41 Tacloban City nga “for a cause” an mga ginbubuhat nga mga Lion ngan Dragon dance kaluyo hiton pagsaurog hiton Chinese New Year yana nga ika 17 han PEBRERO.
Sumala kan Go, nagtitirok an mga ine hin pondo para han mga operasyon han mga bumbero o mga boluntaryo ha fire brigade nga makakadto ha ira mga training, karaunon, ngan equipment.
Dugang pa ni Go nga dire ine negosyo o pan-ganansya kundi para ha mga operasyon han nasabi nga brigade.
Ginkikita naman ine nga obligasyon hiton negosyante agud nga makahatag hin kontribusyon ha mga boluntaryo, subay kan Go.
Samtang, ginpasalamat naman ni Go an mga boluntaryo nga ginkilala niya kumo mga “unsung heroes”.
