HEALTH NEWS- Kakurian an pangunahon nga rason han pagkakamay-ada hin malnutrisyon han mga kabataan dinhi ha Pilipinas. Pero bisan nga makuri an panginabuhi may mga pamaagi la gihapon mga kabombo agud nga malikayan an kagutom nga gin-aabat partikular na an kabataan; Magin mapursigi ha pagpapakabuhi an mga kag-anak agud nga humataas an kita para may igpanpalit hin mga masustansiya nga pagkaon ngan han mga food supplements.
Ig-breastfeed an baby tikang pagkaanak ngada ha unom ka bulan, purgaha an mga kabataan tungod nga ini in nagigin kaagaw han bata ha sustansiya nga nakukuha ha pagkaon, pagkakamay-ada hin “initiative” ha panimalay sugad han pagtatanom hin mga utan ngan prutas ngan pag aalaga hin mga hayop.
Likayan, an pagluluto ngan pag aandam hin pagkaon nga sobra ha ginkikinahanglan han mga bata ngan pamilya, ngan padayon nga pag adman ngan buhaton an sakto nga nutrisyon.
