-- Advertisements --
TACLOBAN CITY– Maabot ha 1, 803 nga pamilya an nakabalik na ha ira mga panimalay mahuman an mga ine mag evacuate ha pira nga mga eskwelahan ha Eastern Samar, matungod han bagyong Pepito.
Sumala kan DepEd Eastern Samar, Division Information Officer, Abner Aclao, ma-abot ha 55 nga schools kun diin ada naman ha 304 classrooms an nagamit han mga evacuees, nga ira masisirongan ugsa paman nga lumasurbo an nasabi nga bagyo.
Dugang pa ni Abner, ha kabug-usan nga ihap, maabot naman ha sobra 2,000 nga mga estudyante an nahireport nga nanbakwit matungod han kalain han panahon.
Ginmalatumat pa hine nga ha pagkayana, balik na gihapon an klase ha nasabi nga mga eskwelahan nga gingamit kumo evacuation center durante han bagyong Pepito.
