HEALTH NEWS – Kinahanglan han aton lawas an walo ngnada 12 ka baso hin tubig ha magkulop. Ginlilipyo han tubig an mga hugaw ha aton lawas. makakalikay kita ha sakit ha bato (kidney stones) ngan impeksiyon ha kidney. Pangontra gihap ini ha wrinkles.
![](https://img.bomboradyo.com/tacloban/2020/12/woman-drinking-water-1458671.jpg)
Sangkay aadi hin pira nga mga pamaagi ha sakto nga pag inom hin tubig:
1. Inom hin usa ka baso nga tubig pagmata hit aga.
2. Inom hin pag gudti gudti nga tubig magkulop. An sakto nga pag inom hin tubig in 3 ngada 4 nga lagok ha kada katungan oras. Ayaw pag inom hin tigda 2 ka baso kay bangin makurian an imo kasingkasing.
3. Biskan diri gin uuhaw, inom hin tubig.
4. Kun nagmamara it iyo mga mata, but-ol o irong, inom gihap hin tubig.
5. Tungod nga mapaso nganhi ha Pilipinas kinahanglan naton uminom hin damo nga tubig para diri makurian an utok nga mag isip.
6. Kun may sakit, inom hin mas damo nga tubig. Makakabulig ini ha pagkontra ha trangkaso, haranat, ubo ngan sipon.
Hinumdumi kabombo nga diri puydi nga mag sobra ha 16 ka baso an iinom kada adlaw.