Labot kanda House Speaker Faustino Bodjie Dy III ngan Majority Leader Sandro Marcos in nagsumite na gihapon hi Marikina 1st District Rep. Marcelino Marcy Teodoro hin balaudnon nga nasuporta ha hingyap ni Pres. Ferdinand Marcos Jr. nga maundang an panunukot han system loss charges ha electric bill.
Ini in an House Bill No. 10461, o Electricity Consumers’ System Loss Relief Act of 2026, nga mag-aamyenda ha Electric Power Industry Reform Act, Anti-Electricty Pilferage Act, ngan National Internal Revenue Code.
Labot ha pagtanggal ha system loss charges ha mga kabaraydan ha kuryente in panuyuan gihapon han balaudnon ni Teodoro nga dire na ini pasakahan hin value added tax o VAT.
Duon ni Teodoro, dire patas nga igpapasa ha mga konsumidor an system loss nga dire naman nira ginkonsumo ngan dire matawo nga susukton pa an mga ini hin VAT.
