TACLOBAN CITY– Nagpadara na an Sinirangan Bisayas hin pira nga mga atleta, nga masabak sugadman makiki-usa ngan magmumulay ha Palarong Pambansa nga magtitikang buwas nga Hulyo 29 kutob ha Agusto 5 yana nga tuig.
Sumala kan Micheal Dela Piña, Head hiton Tacloban Sports, lumakat na an napulo nga mga atleta dida han nakalabay nga adlaw tikapakadto ha syudad han Marikina, kun diin ngadto pagdudumaraon an nasabi nga paisan-isan.
Ginbubug-os an napulo nga atleta nga kun diin tikang pa ha mga magkadurudilain nga parte han rehiyon 8, an mga players nga ginpadara in lima ka taekwondo players, tulo ka badminton players, usa nga chess player ngan usa gihapon nga table tennis player, kun diin andam ngan trained na an mga ine para ha mao nga patumparak.
Dugang pa ni Dela Piña, nga ugsa anay lumakat an mga ine in gintagan anay ni Mayor Alfred Romualdez, an napulo nga mga players hin words of encouragement agud madugangan ngan humitaas iton moral han mga atleta kaupod gihapon hiton cash incentives.
