NATIONAL–Nakabakdaw na an Airbus tikang ha krisis ha software mahuman an haluag nga recall han mga A320 jets ngan pagpailarom han mga ine ha technical process.
Mababaruan nga ginatos-gatos nga mga eroplano tikang ha Asya kutob ha Estados Unidos an dayon nga ginpailarom ha software retrofit subay na gihapon ha kamanduhan han mga regulator.
An pitad in durot han insidente ha JetBlue A320 nga naapetaran an solar flare.
Purluminos 6-K nga eroplano an temporaryo nga ginpa-ground para masigurado an katalwasan han mga pasaheros.
Ha sulod han 24 ka oras, naibanan an ihap han mga apektado nga eroplano mahuman nga matudlok han mga eksperto an partikular nga mga unit.
Nagpadangat naman hin despensa an CEO han Airbus ngan ginsigurado nga mas magigin abri hira ha publiko, kasunod han mga leksyon tikang han krisis han Boeing 737 MAX.
Ha Pilipinas, dose-dosena nga flights naman an nadelatar , samtang may iba nga umabot hin kautunga hin adlaw an lay over matungod ha natabo.
