Maduon nga ginbaribaran han mga dako nga tech company nga Meta dida han Hwebes an panukala han Australia nga obligahon an mga social media company nga magbayad para ha mga balita. Subay ha kumpanya, duro hin kadire patas han ginduduso nga balaod.
Ha magkadiru-dilain nga parte han kalibutan, naatubang ha duro nga mga ayat an mga tradisyunal nga media company mahitungod nga kadam-an han katawhan yana in nakuha na hin balita ha social media kumpara ha mga nakahiaraan nga plataporma.
Panuyo han Australia nga obligahon an dagko nga tech companies nga maghatag hin bayad ha mga lokal nga publisher kabalyo han pag-papaabot han ira mga artikulo nga makakabulig ha pagdara han trapiko ngan readers ha mga online platform.
Partikular nga nakatutok an panukala nga balaod ha Meta, Google, ngan TikTok.
Tatagan anay an mga kumpanya hin higayon nga makigsabot hin direkta ha mga lokal nga organisasyon han balita kasumpay ha paggamit han ira mga content.
Pero kun dire matugot an mga ini, in pwede hira pahamtangan hin piniritay nga buwis o levy nga kaparheas han 2.25 porsyento han ira ginkikita ha Australia.
