-- Advertisements --
TACLOBAN CITY – Patay an usa nga 4-anyos nga menor de edad mahuman nga malunos ha kadagatan han Brgy. Atabay, Hilongos, Leyte.
Ginkilala na biktima nga usa nga babaye, ngan residente han Brgy Eastern Hilongos Leyte.
Sumala kan Hilongos Municipal Police Station Chief of Police, PMaj. Edwin Tolibas, kaupod han biktima an iya pamilya nga nangarigo ha dagat.
Basar han imbestigasyon, nagtataragay an kag-anak han biktima samtang an ira naman anak in nakarigo ha dagat.
Pira kaoras an naglabay in nadara hin makusog nga balud an biktima nga hinungdan han pagkalumos hine.
Gin prubaran pa naman han kag-anak nga igsalbar an ira anak ngan gindara ha hospital pero gindeklara na ine nga dead-on-arrival.
