TACLOBAN CITY – Patay an usa nga menor de edad, mahuman ine nga disgrasya han madat-ugan ine hiton puno han lubi samtang ginchi-chainsaw ha Brgy. San Miguel Lavesares Northern Samar.
Sumala kan Police Executive Master Sargent Vic Camposano, Deputy Chief Lavesares MPS, nga ugsa daw nga pudlon an nasabi nga lubi in ginpanginano anay han suspek an lugar ngan ha iya pagkita in waray madadat-ugan han nasabi nga lubi, pero han katumba na han puno han lubi in didto nala hiya nakabati hin guliat tikang ha iya kaupod nga tatay naman han bata nga daw in nadat-ugan hine an iya anak.
Dayon naman ine nga gindara ha pinka-harani nga ospital, pero humagos la ine hin 1 ka-oras ngan namatay.
Mababaruan nga katrabaho han tatay hiton biktima an nag ooperate han chain saw para pudlon an nasabi nga lubi.
Hapagkyana, kapot na hiton mga otoridad an suspek ngan ginpro-proseso na an kaso nga iya kaka-atubangon durante han nasabi nga insidente.
