TACLOBAN CITY – Nakaghipatik an PHILHEALTH Regional Office 8 hin 88% nga collection performance han nga tanan nga mga miyembro dinhi ha bug-os nga Sinirangan Bisayas nga kun diin, as of August 2022, in aada na ha sobra P1.2 B an ira nakolekta ha mga miyembro hini ha ira total target collection han yana nga tuig nga aada ha sobra P1.8B ka pesos.
Nakapagtala na gihapon hira hin 95.98% nga total registration rate ha bug-os nga Sinirangan Bisayas nga ginkokompunir ini hin sobra 4.7 million nga mga total registered nga kun diin, aada ha sobra 2.5 million an registered members ngan sobra naman 2.1 million an registered Dependents.
Ha pagkayana naman in an ginbabaydan kinada bulan han miyembro han PHILHEALTH in aada ha 4% rate han ira sweldo o kun P400.00 ka pesos, pero ha sunod nga tuig, in an babaydan na in aada ha P450.00 tungod han yearly nga pag increase hini mahitungod han Universal Health Care Act.
Ha ilarom manggud han UHC Act, in an premium rate in mag iincrease hin 0.5% kada tuig hasta umabot ini ha 5% ha 2024 ngan 2025.
Sumala naman kan Dr. Rosario Suyom, Division Chief, Health Care Delivery Management Division han PHILHEALTH Regional Office 8, nga mayda pa ginbabaydan an iba nga mga miyembro nira mahitungod nga mayda la mark up an puydi maavail han usa ka tawo labi na kun ha usa nga pribado nga ospital ini naka admit.
