-- Advertisements --
TACLOBAN CITY – Nakatalaan nga pagdudumaraon an Mega Job Fair ha syudad hiton Tacloban dida hiton Marso 31, 2023.
Sumala kan Katherine Singzon, Develoment Management Officer 1 hiton PESO Tacloban City magtitikang an nasabi nga job fair alas 8 hiton aga ngada hiton alas 4 hiton kulop ha People’s Center Library.
Ginlalauman naman an maabot ha 50 nga mga local employers ngan 10 nga overseas employers an magpapartisipar ha nasabi nga job fair,
Dugang pa hine, labot la han mga employers in nag-imbetar gihapon hira hin mga national agencies sugad han PAG-Ibig, DOLE, POEA, ngan damu pa.
Maabot naman ha 634 nga local vacancies ngan sobra 2,000 nga vacancies an aabrihan ha nasabi nga job fair.
