TACLOBAN CITY – Padayon an pag-aghat han Department of Health (DOH) Regional Office 8 ha mga publiko nga diri mahadlok o mabaraka ha pagpailarom han ira mga anak ha vaccination program han gobyerno partikular na an measles vaccination.
Ini in kaparte han nagpapabilin nga hitaas nga case fatality rate han Eastern Visayas ha bug-os nga nasud kasumpay han ihap han kaso han tipdas.
Sumala kan Ching Juntilla, tagapagyakan han DOH 8, ha pagkayana in maabot na ha 1,377 an nahipatik nga measle cases kun diin 28 han mga ini an patay.
Maabot naman ha 2% an case fatality rate ha rehiyon kun diin ini an pinakahitaas ha bug-os nga nasud mahitungod han hitaas nga ihap han mga mga namatay ha mao nga sakit.VC 1 JUNTILLA APR 6 <<<<<<<<<
Kasumpay naman han laboratory profile kun diin mandato ha DOH nga kada kaso hin tipdas in kinahanglan nga kuhaan hin dugo agud nga makompirma ini.
Ha kabug-usan nga 1,377 nga measle cases, pito an laboratory confirmed ngan 1,197 an compatible o nakasulod han case definition han ira surveillance.
Nahibaruan gihapon nga pinakadamo nga pinakadamo nga kaso hin namatay ha tipdas an nahipatik ha Leyte ngan Samar ngan mga kasagaran han mga biktima in nag-eedad 15-49 anyos.
