TACLOBAN CITY – Padayon nga gin-aaghat han Tacloban City Government an tanan han mga MotorCab for Hire (MCH) drivers ha syudad nga magpaturok na hin bakuna kontra COVID-19.
Una hini, gintikangan na han syudad an panbakuna ha mga tricycle drivers.
Utro naman hini nga gindig-unan nga dako an maibubulig han COVID-19 vaccination ha ira pakabuhi.
Sumala kan Joseph Tangile, presidente han MCH Driver’s Association ha Tacloban, ha pagkayana in waray pa mag-10% ha ira nga mga MCH drivers an nagpabakuna kontra COVID-19 tungod nga damo pa an namamag-alang ngan nagkakahahadlok.
Tungod nga kun bakunado na an usa nga MCH driver, in mas makakaaghat ini hin mas damo nga mga pasaheros.
Nahibaruan nga ha pagkayana in padayon an araba han mga MCH drivers ha syudad tungod ha kakulangan hin pasaheros nga usa ha primero nga epekto ha ira pakabuhi han nagpapadayon nga pandemya.
