SPORTS–Ginpaangbit han anay US boxing champion Floyd Mayweather nga mayada pira pa ine mga laban san-o han gin-aabang nga utro nga pag-atubang nira ni Manny Pacquiao.
Ginmalatumat han 48 anyos nga hi Mayweather nga makaka-atubang niya ha exhibition hi Mike Tyson.
Bubuhaton an paga-atubang nira an 59-anyos nga anay heavyweight boxing champion ah tiarabot ga April 25.
Kahuman an 2 ka bulan in makaka-atubang naman hine ha ring hi Greek kickboxer Mike Zambidis ha usa nga exhibition fight ha Hunyo nga bubuhaton ha Athens, Greece.
An 45-anyos nga hi Zambidis in 18-time world champion nga nagretiro nga mayada record nga 157 ka daog ngan 24 ka pirde ha kickboxing.
An duha nga exhibition giht in magseserbe ga warm-ups ha pag-atubang niya kan Pacquiao ha tiarabot nga Setyembre 19.
Dire na bag-o ha exhibition fight hi Mayweather mahitungod nga mahuman han urhi nga professional fight niya kan Conor McGregor han 2017 in naka-atubang niya ha mga exhibition matches hira kickboxing star turned boxer Tenshin Nasukawa han 2018 ngan hi WWE star Logan Paul han 2021.
