-- Advertisements --
TACLOBAN CITY– Matikang na pagrenew han mga nesgosyo yana nga maabot nga tuig 2023.
Sumala kan Gemafil Gaspay, Head hitun Business Permit and Licensing Division, kada naabot itun bago nga tuig in renewal na naman han Mayor’s Business Permits kun diin ngatanan nga mga establisyemento nga mga businesses in magpaparehistro utro.
Subay han mao nga opisyal, matikang yana ine nga Enero ha ira opisina ngan nagkamay-ada hin 3 nga mga satellite offices para dire gud magmaiha ngan maaccomodate hine nga mga maparehistro.
Nakarawat gihapon ine nga satellite offices hin pagbayad, assesment ngan tanan nga serbisyo nga gin ooffer hine.
Dugang pa hine nga an pag renew hit permit naman in hasta ngada ha Enero 20 basar hitun nakasurat han ordinansa.
