SPORTS – Ginpangunahan ni Tyrese Maxey an Philadelphia 76ers ha 106-102 nga daog kontra ha Utah Jazz mahuman makaghipatik hin 25 points, samtang nakag-amot naman hi Quentin Grimes hi duha nga free throw ha last quarter han mulay.
Nakaghipatik gihapon hi Jabari Walker hin 22 points ngan 10 rebounds para ha Sixers, nga nagmulay hin waray Joel Embiid (oblique injury), Kelly Oubre Jr. (illness), VJ Edgecombe (back injury) ngan Paul George (suspension).
Bisan man 8 ha 22 la an naisulod ni Maxey tikang ha field, nakakuha gihapon hiya hin suporta tikang ha iya mga team mate, kaupod an 16 points ni Grimes, agud malikayan han Philadelphia an ika-tulo nga susrunod nga pagkapirde.
Mahugot an nagin mulay ha fourth quarter kutob nga maibursa ni George an magkasurunod nga three-point shot nga naghatag hin kalamangan ha Jazz nga may, sugad man nakabawi an Sixers ha sobra 4 ka-minutos nga nabibilin nga oras ngan nalahusan nira an iskor mahuman an putback slam ni Adem Bona.
