-- Advertisements --
NATIONAL – Ha ilarom han bag-o nga nagmamangulo han NAIA in usa ha mga prayoridad an pagpapatuman han mas mahuru-hugot nga seguridad.
Ine an ginpahayag han Manila International Airport Authority (MIAA) kahuman han pagtake-over ha NAIA han New NAIA Infrastructure Inc. o NNIC.
Ginmalatumat ni MIAA Spokesman Atty. Chris Bendijo nga ine an ginkasabutan ha pag-istorya han NNIC ngan MIAA.
Ine in labi na daw nga magpapabilin ha NAIA an operasyon han Office for Transportation Security o OTS.
Sumala kan Bendijo, kaupod ha mga babantayan han NNIC an isyu han tanom-bala ngan an pangawat han gamit mga pasaheros ha sulod han paluparan.
