TACLOBAN CITY–Ginkompirma han Philippine Chamber of Commerce and Industry (PCCI) Eastern Visayas, nga humitaas an Inflation Rate ha nasud Pilipinas yana ga tuig 2026 kumpara han naglabay nga tuig 2025.
Ginmalatumat ni Eugene Tan, Regional Governor han PCCI Eastern Visayas, nga kanit ine han kamahinay han negosyo, partikular ha construction nga naapektohan han kontrobersiya ha flood control kun diin damo nga kontratista an nananawagan nga dire nababayaran.
Ha kaluyo hine, mababaruan gihapon nga sobra 100-K nga trabaho an ginaalegar nga nawara mahuman nga kanselahon an mga permit han mga kontratista nga kanit ha mga flood control projects.
Dugang naman ni Tan nga dako nga contributory factor an mao nga industriya ha Gross Domestic Product (GDP), kun diin dako an nagigin epekto kun pahinayon kalakip na an hitaas nga unemployment.
Ha lain naman nga bahin, apektado han mga isyu han political stability an kumpiyansa han mga mamuruhanan pati na an Foreign Direct Investiments (FDI).
