Nahangyo ha gobyerno an magkadurudilain nga grupo han mga manbaraboy nga ibalik an mas hataas nga taripa ha imported nga karne han baboy.
Ini in sumala ha Pork Producers Federation of the Philippines Inc. Philippine Pork Council Alliance Inc. ngan Agricultural Sector Alliance Party-list agud masolusyonan an sobra-sobra nga importasyon han karne han baboy.
Ha datos han mga pork producers, masaka ha 891 milyon ka-kilo han baboy an sumulod ha nasud dida han 2025 kumpara ha 610 milyon ka-kilo dida han 2023 ngna 774 milyon ka-kilo dida han 2024. Tikang ha presente nga 15% in ngan 25% nga out-quota tariff rates, dapat ibalik an taripa ha anay 30 ngan 40%.
Hangyo gihapon nira an pagstri-strikto ha pagbaligya han frozen nga karne han baboy ngan iba pa nga pork products agud masigurado nga talwas ini nga makakaon han mga mamaralit, kun diin mas maupay nga pumalit hin baboy agud makabulig ha lokal nga industriya.
