Gin pahayag ni San Juan Rep. Ysabel Maria Zamora nga mas dumamo an ebidensya nga kalakip ha impeachment complaint kontra kan Vice President Sara Duterte yana, kumpara dida han nakalabay nga tuig, samtang ginpapanginano ini han House Committee on Justice agud tudlukon kun mayda probable cause.
Sumala kan Zamora, nadugngan an mga dokumento ngan attachments ha reklamo, sugadman nagpapabilin nga haros parehas an mga akusasayon nga impeachable offenses. Igin gihapon hini nga mayda supresyente nga basaranan an kaso ngan dire ini hurob-hurob la.
Gin amin hini nga mayda halo nga pulitika an proseso labi na nga tikaharani an eleksyon, pero sumala pa hini, nakikita han mga magbabalaod nga mayda tinuod nga rason an reklamo.
Dugang pa, posible nga sakop han impeachment proceedings an exemption ha bank secrecy law, bisan man dire ini sugad ka-klaro ha balaod.
Depensa naman ni Zamora, nag-agi ha mahugot nga panginano an mga reklamo ngan napamatud-an nga “sufficient in form and substance,” mahitungod nga nakasurat an mga kinahanglan nga detalye ngan mga ginbubuhat han respondent.
Gin klaro gihapon hini nga dire pa kinahanglan an mismo nga ebidensya, kundi an klaro nga pagpapahayag han mga akusasyon.
Posible pa naman umatender hi Duterte ha mga masunod nga pagdungog ha pinaagi han iya abogado, subay ha due process.
