-- Advertisements --
NATIONAL NEWS– Nagpahimatngon an Nomura Global Research nga mayda dako nga epekto ha ekonomiya han Pilipinas an bag-o nga iginhatag nga 19% U.S import tariff, kumpara ha Indonesia ha kaluyo nga kaparehos nga buwis nga iginpapatuman han duha nga nasud.
Subay ha Japanese investment bank, posible nga humamubo ha 0.4 percentage point (ppt) an gross domestic product (GDP) growth han Pilipinas ha 2025 matungod han tariff—doble nga ginlalauman nga epekto ha Indonesia nga 0.2 ppt la.
Gintawag naman han Nomura an epekto ha Pilipinas nga “substantial”, labi na nga an baseline GDP forecast han nasud in ada ha 5.3%, nga mas hamubo kumpara ha target han administrasyong Marcos nga 5.5 – 6.5%.
