NATIONAL NEWS– Naghangyo ha gobyerno han Pilipinas hi Mary Jane Veloso, an pinay nga ginsirotan ha iba nga nasud ha kaso nga drug trafficking, nga tagan hiya hin kagawasan agud nga maatimanan niya an iya kag-anak ngan mga anak mahuman an 16 katuig nga pagkakabublag han mga ine
Ha ginpagawas niya nga surat ha Migrante International, ginmalatumat ni Veloso nga waray na hiya iba pa nga hangyo kundi an makaupod an iya pamilya .
Dugang pa hine, nagkukuri an iya mga kag-anak nga bumiyahe tikang ha Nueva Ecija hin 8 -10 kaoras para mabisita hiya.
Gindig-unan pa ni Veloso nga makalabay an usa katuig tikang han maibalhin hiya dinhe ha Pilipinas, nagpapabilin la gihapon hiya naka-detinee bisan ha kaluyo nga waray hiya nahimo nga sala ha aton nasud.
Mababaruan nga presente yana hi Veloso nga naka-detini ha Correctional Institution for Women ha Mandaluyong, mahuman ine nga igbalhin tikang ha Indonesia, nagdugay hiya hin 15 katuig ha presuhan ngan an anay sentensiyang kamatayan in ginbalyuan hadton 2015 matungod ha apela han gobyerno ha Pilipinas.
