-- Advertisements --
TACLOBAN CITY – Ginhihngita yana hitun Bureau of Fisheries and Aquatic Resources o kun BFAR Regional Office 8, nga magkaada ngan madugangan pa itun mga marketing platforms nga ira igpapatuman dinhi ha rehiyon 8.
Sumala kan Christine Gresola, Information Officer hiton BFAR-8, nga dako manggud nga bulig para ha mga purupangisda nga magkaada hira hin pwesto para mabaligya ngan sugad man gihapon ngadto han mga mamaralit nga makapalit hin affordable, barato ngan presko nga mga produkto hiton isda.
Manunumduman, nagkaada an BFAR hin Seafood Kadiwa nga kun diin, dinhi in nagbaligya hira hin mga magkadurudilain nga mga klase ngan produkto hiton isda.
