TACLOBAN CITY — Arestado an usa market vendor ha gindumara nga drug buy-bust operation ha Brgy. 37 Reclamation Area (Seawall) siyudad han Tacloban.
Kinilala an suspek nga hi Joskoro Miranda Adwana, 32-anyos, usa nga market vendor ngan nag-uukoy la mismo ha nasabi nga baranggay.
Sumala kan PCapt. Concas Castillo, Station Commander han Police Station 1 San Jose, an mao nga suspek in usa nga newly identified drug personality han mga otoridad.
Ha mao nga operasyon, narekober ha mao nga suspek an P500 nga buy-bust money ngan tulo kabug-os han gin-aalegar nga shabu nga nagkakantidad hin P4500 nga mayda kabug-aton nga 0.5 kagramo.
Nakuha pa han mga kapulisan an usa kabug-os han gin-aalegar nga shabu nga nagkakantidad hin P500 nga napalit han naging poseur buyer ha suspek.
Ha pagkayana, temporaryo nga nakadeteni an suspek ha kustudiya han mga kapulisan ngan gin-aandam na an kaso kontra ha iya ha iya pagtalapas ha R.A. 9165.
