Iginduon ni Senador Rodante Marcoleta nga dire la hiya an ‘nakapreso,’ kundi magin an kamatuoran nga maiha na nga ginhuhulat han mga Pilipino.
Ha usa nga panayam didas han Hulyo 28, ginmalatumat ni Marcoleta nga nasusubo hiya ha iya presente nga sitwasyon, pero mas nasusubo hiya nga dire la gihapon nabubuyagyag an bug-os nga kamatuoran ha mga isyu nga maiha na nga gin kakaatubang han nasud.
“Nakakalungkot talaga. Nalulungkot ako sapagkat hindi lang ako ang nakakulong. Ang nakakulong dito, ang taumbayan,” sumala kan Marcoleta.
Sumala pa ha senador, kutob yana in dire la gihapon naihahatag ha publiko an kamatuoran nga maiha na nira nga ginhuhulat.
“Anong nakakulong dito? ‘Yong kanilang hinahanap na katotohanan, hanggang ngayon ay hindi naibibigay sa kanila,” dugang pa hini.
Iginduon gihapon ni Marcoleta nga nagpapabilin nga nakatago an mga tawo nga responsable ha mga dagko nga anomaliya ngan korapsyon ha nasud.
Manunumduman nga kaupod ha mga isyu nga aktibo nga iginduso ni Marcoleta in an imbestigasyon ha maanomaliya nga flood control projects.
Ha presente, nakadetine hi Marcoleta ha New Quezon City Jail – Male Dormitory ha Payatas, Quezon City samtang ginkakaatubang an mga kaso nga non-bailable plunder, indirect bribery, tulo nga ihpa han pagtalapas ha Presidential Decree No. 46, nga nagbabawal ha mga opisyal han gobyerno nga kumarawat o maghatag hin regalo tikang ha mga pribado nga indibidwal.
