NATIONAL NEWS– Utro nga nagpahinumdom hi Philippine National Police (PNP) chief Police General Rommel Francisco Marbil ha mga kapulisan nga magin neutral.
Ine in kasunod ha nagin kaso kontra kan Patrolman Francis Steve Tallion Fontillas han Quezon City Police District (QCPD) kun diin nagpagawas ine han ira personal nga opinyon ha social media kasumpay ha pagkakaaresto kan anay Pangulong Rodrigo Duterte.
Dugang pa ni PNP Chief nga an PNP in usa nga susbaranan hiton law and order ngan dire plataporma hiton pagpagawas han personal o political agendas.
Ginpahimatngunan hine an mga kapulisan nga dire papalampuson an hino-man nga magin partisan nga rason han pagkaguba hiton pagtapod han publiko ha kapulisan.
Manunumduman, ginpasakahan na han QCPD hin kaso nga inciting to sedation ngan pagtalapas ha cybercrime law hi Fontillas mahuman ine magpagawas han iya kasinahon ha pagkaka-aresto kan Duterte.
