Aada ha kamot han mga senator-judge an desisyon kun insakto an mga testimonya ngan ebidensya agud ma-convict hi Vice President Sara Duterte ha impeachment case kasumpay ha paggamit han confidential funds han Office of the Vice President.
Sumala kan Palace Press Officer Claire Castro, bisan man ginmalatumat ni anay Special Disbursing Officer nga hi Gina Acosta nga waray niya kakit-i nga pisikal nga ginkaptan han bise presidente an kwarta, ginamin hini nga hi VP an nag-mando nga igpagawas an bug-os nga P125 milyon nga confidential funds.
Ginduon han Palasyo nga nagpapakita ini hin direkta nga mando ngan kontrol han bise presidente ha paggamit han pondo han nasud.
Dugang pa hini, an bise presidente gihapon an pumirma ha mga liquidation report nga ginpangita nga may nakit-an nga kulang nga dokumento.
