-- Advertisements --
TACLOBAN CITY – Ginpahayag han Tacloban City Nutrition Office nga nagkaada hin paghitaas han kaso han malnutrisyon ha syudad tikang han igpatuman an mga quarantine measures han naglabay nga mga bulan tungod han COVID-19 pandemic.
Sumala kan Malou Tabao, Head han Tacloban City Nutrition Office, tikang ha 3% ha pagkayana in maabot na ha 8% an ginhitaas han malnutrition rate han mga kabataan ha syudad.
Ha kaluyo hini in dire naman sugad ka-nakakaalarma an mao nga paghitaas han kaso tungod nga mahihimuan ini hin solusyon pinaagi han mga pitad ngan programa han syudad.
Naglalaum an City Nutrition Office nga mapapahabubo an malnutrition rate ha syudad pinaagi han mahugot nga monitoring ngan adbokasiya ha mga barangay.
