NATIONAL NEWS– Ginpapanginano pa yana hiton gobyerno kun anu pa an kikinahanglanon nga bulig han mga local nga pangobyernuhan ha Negros nga apektado ha explosive eruption han Bulkang Kanlaon.
Sumala kan Palace Press Officer USec Claire Castro, ginpapasigurado ni Pangulong Ferdinand Marcos Jr ha mga concerned agencies nga matagan hin kaangayan nga bulig an mga madadarahigan.
Pagsigurado ni Castro nga tututukuan han gobyerno an panginahanglan han mga lugar nga apektado han padayon nga pag-aalburoto han Bulkang Kanlaon.
Dugang pa ni Palace Press Officer na nakahanda an Office of the President in maghahatag hin kadugangan nga pondoha mga lokal nga gobyerno hiton Negros kun kikinahanglanon.
Ha pagkayana, ginpahayag ni Castro nga padayon an ginhahatag nga serbisyo han Department of Social Welfare and Development ha mga evacuee.
Nakikipag-sumpayan gihapon an DSWD field offices ha Western ngan Central Visayas partikular na ha ira mga LGUs.
