Ginpapasigurado ni Executive Secretary (ES) Ralph Recto ha mga lokal nga pangobyernuhan ngan mga ahensya han gobyerno an hapsay nga pagpapatuman han fuel subsidy ha mga drayber ngan pamasahe discount ha mga pasaheros.
Sumala kan Recto, kinahanglan magbinuligay an local government units (LGUs), Department of Energy (DOE), Department of Transportation (DOTr), Land Transportation Franchising and Regulatory Board (LTFRB), ngan Department of the Interior and Local Government (DILG) agud masigurado nga madagmit ngan hapsay nga maihahatag an ayuda.
Kaupod ha mga igpapatuman an fuel subsidy para ha mga jeepney ngan UV Express drivers ha ilarom han Pantawid Pasada Program.
Magkakamay-ada gihapon hin 20% discount ha pamasahe an mga pasaheros ha pili nga ruta han jeep ngan bus ha ilarom han service contracting program.
Yana nga semana in gintikangan an an rollout hini ha Metro Manila, kaupod an Commonwealth Avenue ha Quezon City, ugsa ini pahaluagon ha iba pa nga lugar ha nasud.
Ginlalauman nga makakatagamtam ha programa an 50,000 nga drayber, sobra 1,000 nga operators, ngan ginbabana-bana 15 milyon commuters ha bug-os nga nasud.
