NATIONAL– Ginkumpirma hiton Palasyo han Malakanyang an pag-aresto kan anay Pangulo Rodrigo Duterte yana nga adlaw.
Kanina hiton ka-agahon nakarawat han INTERPOL Manila an official copy han warrant of arrest tikang ha International Criminal Court (ICC).
Mababaruan nga kanina hiton alas 9 han aga umabot an anay Pangulong Rodrigo Duterte ngan an iya mga ka-grupo tikang ha Hong Kong.
Ha iya pag-abot dayon nga ginserbi han Prosecutor General an ICC notification para ha usa nga arrest warrant ha anay pangulo.
Ginsigurado naman han PCO nga an anay Pangulo ngan an iya grupo in ada ha ha maupay nga panlawas, agud nga masigurado nga ada an mga ine ha maupay nga kabutang.
Mababaruan nga samtang, nagsiserbi hin warrant in nakasul-ot an mga kapulisan hiton body camera, ngan ha pagkayana, kapot na ine hiton CIDG an nasabi nga presidente.
