NATIONAL NEWS– Ginkumpara ni Palace Press Officer Claire Castro an mga nagin resulta han foreign trips ni Pangulong Ferdinand Marcos Jr. kumpara ha nagin biyahe ni Vice President Sara Duterte ha abroad.
Ine in mahuman ha nagin balyuay nga pahayag han duha nga opisyal, kasumpay kun anu an personal trip ngan official business trip.
Sumala kan Palace Press Officer Claire Castro, klarado nga kun dara hine an posisyon ngan ngarana han Pilipinas ha official function hine, ine in kinahanglan nga magreport ha publiko.
Ine in subay ha Republic Act 6713 o an “Code of onduct and Ethical Standards for Public Officials.
Ginpananglitan pa han Palasyo hi Pangulong Marcos nga kun nagawas ine ha nasud may dara ine nga konkreto nga ebedinsya han “trabaho” nga ginrereport ha publiko.
Usa ha pananglitan an pagsalbar ha kinabuhi ni Mary Jane Veloso ha Indonesia, an pagpauli han anay kongresista nga hi Arnulfo Teves at Alice Guo, ngan an pagpapakusog han turismo hiton Japan.
Dugang pa ni Castro, kun waray ine naipapakita nga reprt, karuyag sidngon dire ine nagtratarbaho.
