Gin suhestyunan han Malakanyang an abogado ni anay Presidente Rodrigo Duterte nga hi Atty. Nicholas Kaufman nga dire mabuhi ha argumento kasumpay han nakalabay.
Ini in mahuman nga balikon han kampo ni Duterte an posisyon han gobyerno dida han 2023 nga nakwestyon ha hurisdiksyon han International Criminal Court.
Sumala kan Palace Press Officer Claire Castro, mas maupay nga tutukan ni Kaufman an magigin depensa para ha iya kliyente.
Utro gihapon nga iginduon ni Castro nga an nagin pitad han gobyerno in dire agud sumonod ha ICC kundi subay ha nagpapadayon nga balaod han Pilipinas ngan ha pakikigsumpayan ha interpol.
Manunumduman nga nagdesisyon an ICC Appeals Chamber nga mayda hurisdiksyon la gihapon ha kaso nga crimes against humanity kasumpay ha war on drugs, mahitungod ha nahitabo nga mga insidente dida han membro pa han Rome Statute an Pilipinas tikang 2011 kutob 2019.
