NATIONAL – Waray na daw ig kapausa ni Presidente Ferdinand Marcos Jr. an nagin pagsukna ni Vice President Sara Duterte ha foreign policy han administrasyon.
Ha rally ha Autralia, gin kwestyon han bise presidente an foreign policy han administrasyon Marcos.
Dugang pa hine, kinahanglan magkamay-ada hin independent foreign policy imbes nga umugop ha Estados Unidos, nga naganansya ha istoryahon han West Philippine Sea.
An gintutudlok ni Duterte in an Typhon missile system tikang ha Amerika nga gindeploy ha Pilipinas dida han syahan nga kwarter han 2025.
Ginamit ine ha Balikatan exercise ha butnga han Armed Forces of the Philippines ngan US Armed Forces.
Pero sumala kan Palace Press Officer Claire Castro, gin malatumat han Presidente nga nayayakan han mga Duterte an sugad nga mga pahayag mahitungod nga pro-Duterte an mga ine.
Tarihas daw an ira posisyon kan PBBM nga pro-Philippines.
Syahan na nga kinontra han think tank nga Stratbase an banat ni VP Sara ha pagyakan nga waray ginpapanigan an Pilipinas, lugod in gin papatuman han administrasyon an “principled diplomacy” ngan rules-based approach.
