Dire pwede basta-basta manudlok hi Vice President Sara Duterte kun an pag-iistoryahan in “poor governance.”
Sumala kan Palace Press Officer Claire Castro, nagtikang an mga istoryahon yana ha gindumara nga pagpapa-imbestiga ni Presidente Ferdinand Marcos Jr. ha mga anomaliya nga waray kahimo hadto han anay administrasyon han iya tatay nga hi anay presidente Rodrigo Duterte.
Iginpahinumdom ni Castro nga 2018 pa ginki-kwestyon ngan ginbabatikos magin ni hadto in Congressman Rodante Marcoleta an ghost flood control projects pero waray ini kaimbestigahi.
Sanglit sumala ha opisyal ha Palasyo, bangin kinahanglan gihapon igpakianan kun ano an nahitabo ha mga proyekto ha ilarom han Build, Build, Build hadto.
Iginduon ni Castro nga kun klase hin pagmamangulo an pag-iistoryahan, klaro nga mayda good governance ha ilarom han pagmamangulo ni Presidente Marcos.
Reaksyon ini han Palasyo ha pahayag han bise presidente kasumpay ha gios-protesta ha EDSA nga daw ginagamit han administrasyon-Marcos an justice system ha pagsasalawad hin kaso kontra ha mga indibidwal nga nagpapahayag kontra korapsyon.
