METRO MANILA – Ginkuwestyon han Malacanang an pahayag ni Senator Imee Marcos nga naaro ini hin pasaylo ha iya tatay mahitungod ha “dire pagbabantay” kan Presidente Ferdinand Marcos Jr.
Sumala ha senadora, ginprubaran niya nga bantayan an bugto pero waray niya kaakos, ngan nag-isog pa ha iya an presidente.
Ginmalatumat naman ni Palace Press Officer Claire Castro, kinahanglan klarohon kun hin-o an kinahanglan bantayan, kun an presidente nga dire nabuyayaw, dire nagwawala ha publiko, ngan dire nanarhog ha iba.
Ginkuwestyon pa ni Castro nga an pangaro han pasaylo han Senadora in para ba ha tatay o ha iya bugto nga iya ginmaldisyon.
Ha kaluyo naman hini, ginmalatumat han Palasyo nga nagpapabilin nga nakatutok an presidente ha trabaho nga dire napaapekto ha mga banat.
