TACLOBAN CITY – Madepende ha direktiba hiton iskuylahan kun magpapatuman hira hin mga make up classes kasumpay han nagin pagsuspendi han klase dida han nakalabay nga adlaw mahitungod han makusog nga uuran.
Sumala kan Harold Naputo, Assistant Principal han Rizal Central School, nakabutang daw ha DepEd Order nga may-ada hira permiso nga magdumara han make up classes kun nagkakamy-ada hin pagsuspendi han klase ha mga iskuylahan.
Manunumduman nga dida han nakalabay nga adlaw, in nagpalusad hin Executive Order an syudad han Tacloban kun diin ginsuspendi hine an ngatanan nga lebel han klase ha parehas pribado ngan pampubliko nga iskuylahan mahitungod han mga pagbaha ngan makusog nga uuran.
DUgang pa han mao nga opisyal, ada ha kada iskuylahan an pagbuot kun magdudumara hira hin make-up classes o dire.
Ha pagkayana in waray pa naman daw desisyon an ira iskuylahan kun magkakamay-ada daw hira make up classes, kun magkamay-ada man daw in ig aanunsyo nala nira dayun.
