Nahurar kumo mga bag-o nga membro han Senate Blue Ribbon Committee an mga senador nga nagseserbi nga membro han Senate majority bloc.
Ha ginbuhat nga special session kakulop nga adlaw, Hunyo 17, paprehas natudlok kumo mga membro han gamhanan nga panel an mga membro han mayorya.
Ini in mahuman igdeklara nga bakante an mga posisyon ha Senado kasunod han panibag-o nga reorganisasyon kakulop nga adlaw, Hunyo 17, nga nagin rason ha pagbabalyo han liderato han Senado ngan mga tagmangulo han komite.
Ha lain nga bahin, gin malatumat ni Senate Majority Leader Migz Zubiri nga ginhangyo ni Senator Francis Escudero nga dire hiya iglakip kumo membro han Senate Blue Ribbon Committee samtang gindudumara an pagpili han mga membro han mga komite ha Senado.
An Blue Ribbon an usa ha pinakagamhanan nga komite ha Senado kun diin an nasabi nga komite an mayda kapas nga imbestigahan an dagko nga isyu sugad han flood control projects.
