LAOANG NORTHERN SAMAR—Arestado an magtala-amay nga suspek hiton panmuno ha Laoang Northern Samar mahuman an gindumara nga hot pursuit operation han mga otoridad.
Sumala kan PCPL. Rogelio Giray Jr. han Laoang Municipal Police Station, ginkilala an mga suspek nga hira alyas “Ciriaco” 48 anyos ngan alyas “Mark’, 22 anyos nga mga parag-uma ngan residente han Brgy Yabyaban.
Ginkilala naman an biktima nga hi alyas “Samson”, 43 anyos, parag-uma ngan residente gihapon han nasabi nga lugar.
Basara ha kagawad nga witness han panhitabo, naki-inom parehas an suspek ngan biktima, ngan nagkamayda an mga ine hin argumento.
Kahuman han panhitabo umole an suspek ha ira panimalay, ngan nagsuhestyon ine ha iya tatay nga dire na kastiguhon an biktima lugod in patayon nala ine.
Ha nasabi nga adlaw samtang nakaragi an biktima, in nakahigayon an suspek nga sulongon ine ngan pagbun-on,
ngan han nakit-an han tatay han suspek nga natumba na an biktima, binmulig gihapon ine ha pag-buno.
Nakag-angkon naman hin 11 nga binun-an an biktima ha tiyan ngan ha dughan, rason han iya dayon nga kamatayon.
Ha pagkayana, naatubang na an mga suspetsado ha kaso nga murder nga ginpasaka han pamilya han biktima.
