TACLOBAN CITY — Ginpahayag han City Government han Tacloban nga angay na igkaalarma ngan tagan hin aksyon an natatabo nga mga shooting incident ha siyudad han Tacloban.
Sumala kan Vice Mayor Jerry “Sambo” Yaokasin, nga gin imbitaran nira an Tacloban City Police Office (TCPO) ha pagdudumaraon nga sesyon yana nga semana para paghingadayan an status han peace and order ha siyudad mahuman an sunod-sunod nga mga nahipatik nga panmusil.
Dugang pa niya nga importante nga mahibaruan ini han ngatanan ngan kun anu an ginbubuhat nga pitad han mga kapulisan kasumpay hini.
Mababaruan nga dida han nakalabay nga mga semana in usa anay pulis an ginpusil-patay ha may Abucay Terminal samtang dida la han Biyernes in usa liwat nga anak hin anay city prosecutor an ginpanmumusil patay ha sakob han iya sarakyan ha Calanipawan siyudad han Tacloban.
