SPORTS NEWS – Padayon an pag-uran han mga pagbati mahuman nga magdaog hi Filipino boxer Mark Magsayo kontra kan Eduardo Ramirez han Mexico.
Nakuha ni Magsayo an unanimous decision ha ira World Boxing Association (WBA) Super featherweight bout nga ginbuhat ha MGM Grand Las Vegas.
Ine na an ikaduha nga mulay ni Magsayo ha 130 pounds kun diin nakuha hine an score tikang ha judges nga 97-92, 99-90 ngan 97-92.
Tikang han syahan nga round in ginpauranan na ni Magsayo hin suntok an kalaban kun diin napatumba pa niya ine ha ikatulo nga round pinaagi han iya right hook.
Ha pagsulod han ikalima ka round in ginpakita utro han Pinoy boxer an pagigin dominante han maigo han iya wala nga hook an baba ni Ramirez nga nagresulta han pagtalsik han mouthpiece hine.
Mayda na record yana ni Magsayo nga 26 nga daog, duha nga pirde, ngan 17 nga knockouts, samtang hi Ramirez naman in mayda 28 nga daog, upat nga pirder, tulo nga draw, ngan 13 nga knockouts.
