TACLOBAN CITY – Ginlatag na han Sangyaw Foundation an pira nga mga aktibidad nga pagbubuhaton para han Kapatronan ha siyudad han Tacloban yana nga maabot nga bulan han Hunyo.
Ini in kataliwan magdumara hin Launching dida han Martes nga adlaw an mao nga grupo para han serye han mga aktibidad .
Subay ha pakighimangraw han Bombo Tacloban kan Felix Barrion, Bise- Presidente han Sangyaw Foundation nga pira nganhi nga mga aktibidad in amo an 10 ka adlaw nga Cultural Night, Balikbayan Night, Parada ngan damo pa nga iba.
Samtang usa naman nga bag-o nga iguinlunsad yana nga aktibidad para han Kapatrunan in amo an Sangyaw Queen.
An mao nga paisan-isan in ginkakalakipan hin lima nga kandidata nga tikang ha magkadurudilain nga sektor sugad nala han State and Universities and Colleges, Department of Education, PNP ngan Balikbayan.
Sumala pa kan Barrion an Sangyaw Queen in siyahan nga ginlunsad yana naman nga tuig.
Manunumduman nga nabatasanan na ha siyudad han Tacloban nga dumaraon an Month-long nga Selebrasyon han Kapatrunan.
