Iimbitaron an magbugto nga hira Senador Alan Peter Cayetano ngan Lino Cayetano ha usa nga pagbista han Senate Blue Ribbon Committee han gin-aalegar nga ghost flood control projects ha syudad han Taguig.
Sumala han Senate Blue Ribbon Committee chairperson nga hi Sen. Erwin Tulfo, an magurang mismo nga bugto han senador nga nagsirbe komo alkalde han siyudad tikang han tuig 2019 tubtob 2022, an naghangyo nga imbestigahan an flood control projects ha mao nga lugar tikang dida han 2022 tubtob ha 2025 nga nagkakantidad hin P6 bilyones.
Nagpahayag liwat hi Tulfo nga angay mag-andam hi Sen. Alan kay an iya kalugaringon nga bugto an naghahangyo hin imbestigasyon, nga nagpapasabot nga may-ada hiya nakita ha proyekto han iya magurang.
Pero gindiwara ini ni Sen. Alan nga may ghost projects ha syudad.
Magpapadayon an imbistigasyon han komitiba han gin-aalegar nga mga anomaliya ha flood control projects kahuman han State of the Nation Address han Presidente ha lunes, Hulyo 27.
