NATIONAL NEWS- Nanawagan hi House Minority Leader Rep. Marcelino Libanan ha nasasalin nga unom nga regional wage boards nga magpatuman hin dugang sweldo ugsa mahuman an tuig, agud nga maibanan an kakuri nga gin-kakatubang han mga magtratrabaho matungod ha padayon nga paghitaas han presyo han mga papliton.
Gin-aghat ni Libanan an mga wage board nga gumios dayon matunod nga naiibanan na an purchasing power han mga minimum wage earner.
Ha 17 nga age boards 11 na an nagpagawas hin wage orders yana nga tuig, ngan an mga rehiyon nga dire pa nag-uumento hiton sugad hiton CAR, MIMAROPA, Eastern Visayas, Zamboanga Peninsula, Northern Mindanao, ngan Caraga.
An Western Visayas an pinaka urhi nga nagpatuman hin umento, nga nag-apruba hin ₱40 nga dugang-sweldo han nakalabay nga Oktubre.
