NATIONAL | Nag pasaka an Bureau of Internal Revenue (BIR) hin mga kaso nga pagtalapas ha balaod nga pagbabayad hin buhis o tax evasion, kontra kanda Pacifico “Curlee” Discaya II, Cezarah Rowena “Sarah” Cruz Discaya, ngan ha usa nga opisyal nga nagsisirbe ha St. Gerrard Construction.
Sumala kan BIR Commissioner Romeo Lumagui Jr., an kabug-usan nga kantidad han ira waray kabayari nga buhis o tax liability, in umaabot ha gin babana-bana nga ₱7.1 bilyon.
An nasabi nga kantidad in ginbubug-os han pira ka klase hiton buwis nga daw waray kabayari han tuig 2018 – 2021.
Kalakip dinhi an income tax, nga buhis nga kuhida ha siyam nga luxury vehicles ngan an documentary stamp tax nga kanit ha daw divestment o pag-tangal han interes tikang ha 4 nga nga construction company.
Ginbuyagyag pa han BIR nga waray hira natad-an, nga record o dokumento nga nagpapamatuod nga nagbayad an mag-asawa nga Discaya han documentary stamp tax.
Ginsigurado, ni Commissioner Lumagui ha publiko nga iya sisiguraduhon nga mapapagbaton an mag asawa nga Discaya, ngan iba pa nga mga opisyales.
