Igin pahayag han Deparment of Energy (DOE), nga nakatipid hin haros 145.43 megawatts nga enerhiya an nasud mahitungod han pagkikiusa han publiko han Earth Hour nga nagtikang dida han 8:30pm kutob 9:30pm han Sabado.
Ha usa nga pahayag, igin malatumat han DOE nga basar han ira datos nga gin kakaptan in nakatipid hin haros 75.25 MW nga enerhiya an dako nga parte han Luzon, samtang 66.6 MW ha Visayas ngan 3.58 MW naman an naitala ha Mindanao.
Sumala kan Energy Secretary Sharon Garin, an pakikiusa han mga Pilipino ha annual Earth Hour in nangangahulugan la nga kaya makab-ot han nasud an mahinungdanon nga pag ubos han konsumo ha enerhiya.
Dugang pa hini, usa la ini nga pahinumdom nga an pagtitipid hin enerhiya in diri la ginpapatuman ha sakob hin usa la ka oras kundi puydi ini ig aplikar ha pan inadal-adlaw nga buruhaton.
Samtang, gin aaghat naman han Energy Department an publiko nga igpadayon an pagtitipid hin enerhiya diri la kinada tuig nga Earth Hour kundi, pati na gihapon an paghihimo hin energy-efficient practices ha mga panimalay ug trabaho.
