TACLOBAN CITY – Ginklaro han Land Transportation Office (LTO – Region 8) nga diri na mandatory an Motor Vehicle Inspection System (MVIS) para ha mga motorista nga naparenew han ira mga motor ngan sarakyan.
Ini in kataliwan han ginpalusad nga mandatu han Malacanang.
Sumala kan Atty. Ledwino Macariola, Assistant Regional Director han Land Transportation Office (LTO – Region 8), nga bisan nga diri na mandatory an MVIS in dapat la gihapon nga magsumiter han mga motorista nga naparehistro o kun napa renew han ira mga motor hin emission clearance certificate ha ira buhatan
Magpipili naman an mga ini ha pagkuha han ira emission testing clearance tikang ha private emission testing centers (PETCs) o kun an MVIS certificate tikang ha accredited private motor vehicle inspection centers (PMVICs).
Mababaruan nga mando liwat han Pangulo, nga ginpahamub-an an PMVICs fees tikang ha 1, 800 in nagin P600 para han mga light vehicles, samtang P500 naman para ha mga motorsiklo, ngan P300 para ha public utility jeepneys.
