TACLOBAN CITY – Nanawagan an ahensya han Land Transportation Office (LTO) ha mga kasugbong nga law enforcement agencies sugad han Philippine National Police ngan TOMECO agud buligan hira ha panakop han mga kulorom nga mga sarakyan ha syudad.
Ini in mahuman nga maobserbaran han LTO an mga sarakyan nga dayun nanpaparada ha ligid han kakarsadahan agud makalikay ha ticket kun nakita haira rason para mag-traffic an kakarsadahan.
Sumala kan Land Transportation Office Operations Division OIC-Chief Pepito Ting, kun may-ada operasyon an ira mga personahi ngan halaba iton pila han mga sarakyan in mas maupay kun mapapanginano ine han mga kapulisan mahitungod nga ine in mga pribado ngan pwede dakpon bisan kun nakaparada.
Sumala naman kan Ronnie Cornico, kumo representante han lokal na pangobyernohan han Tacloban, pwede ig paabot ha ira buhatan an mga sugad nga reklamo hin insidente mahitungod nga mayda man Land Transportation Franchising and Regulatory Board, licensing, ngan TOMECO nga puydi magpalusad hin sirot ngan pagsuspede han lisensya ha mga dire natuod nga mga drivers, sugadman makuha an plate number hini nga mga kulurom nga sarakyan. (via Bombo Niña Magpili)
