Gin anunsyo han Land Transportation Office (LTO) nga ginpahilawig la anay nira an bisa han pira nga lisensya ngan registration nga nag-expire tinikangan Hulyo 1, 2026.
Resulta ini han naekspersyahan nga downtime ngan paghinay han Land Transportation Management System (LTMS).
Sakop han extension an driver’s license, vehicle registrations, conductor’s license, student-driver’s permit, ngan medical certificate.
Karuyag sidngon, an mga dokumento nga nag-expire tikang Hulyo 1 magpapabilin nga valid kutob ha masunod nga abiso han LTO.
Gin klaro gihapon han ahensya nga waray igpapahamtang nga late fees o penalties ha mga magre-renoew nga sakop han extension samtang epektibo an memorandum Circular No. MVL-2026-5271.
Magpapabilin an palugit kutob ha maayad an problema ha LTMS.
Kun maibalik na ha normal an sistema, magpapagawas an LTO hin panibag-o nga memorandum agud ig undang an extension.
